يــــا زولــــــــه

ﺍﻟﺮﺍﺋــــﻊ " ﺧــــﺎﻟﺪ ﺍﻟــﺒــﺎﺷــــﺎ
ﻳﺎ ﻛﺎﺑﻲ ﻓﻲ ﺟﻮﺍﻳــــﺎ ﻧﻴــــﻞ
ﻭﻣﺰﺭﻭﻋﺔ ﻓﻴﻨﻲ ﺻﻔﻮﻑ ﺗﻤﺮ
ﻭﺻﺎﺭﺍﻧﻲ ﻓﻲ ﺻﻤﺘﻚ ﻛﻼﻡ
ﻭﻣﺎﺭﻗﺎﻧﻲ ﻓﻲ ﻟﻴﻠﻚ ﺑﺪﺭ
ﺍﺷﻮﺍﻗﻲ ﺯﻱ ﺷﻮﻗﻚ ﻏﺮﺍﻡ
ﻭﺍﺷﻮﺍﻗﻨﺎ ﻧﺤﻦ ﻗﺪﺭ ﻗﺪﺭ
ﻗﺪﺭﻙ ﺗﺸﻴﻠﻲ ﺍﻟﻠﻴﻞ ﻣﻌﺎﻱ
ﺗﺒﻜﻴﻨﻲ ﻭﺍﺑﻜﻴﻜﻲ ﺍﻟﻌﻤﺮ
ﻳﺎ ﺯﻭﻟــــﺔ
ﻳﺎﺯﻭﻟﺔ ﻣﻨﻲ ﻭﻣﻦ ﻫﻮﺍﻱ
ﻣﻦ ﺿﻮ ﺻﺒﺎﺣﻨﺎ ﻣﻦ ﺍﻟﻘﻤﺮ
ﻣﻦ ﻧﻴﻠﻨﺎ ﻭﻛﺖ ﺍﻟﻨﻴﻞ ﻳﻔﻴﺾ
ﻣﻦ ﺷﻮﻗﻨﺎ ﺳﺎﻋﺔ ﺍﻟﺸﻮﻕ ﻣﻄﺮ
ﻓﺘﺸﺖ ﻟﻴﻚ ﻭﺍﻟﻨﺎﺱ ﻣﻌﺎﻱ
ﻓﺘﺸﺖ ﻟﻴﻚ ﺧﻼ ﻭﺑــﺤـﺮ
ﺷﺪﻳﺖ ﺧﻴﻮﻝ ﺷﻌﺮﻙ ﺭﺣﻴﻞ
ﺍﺿﻨﻴﺖ ﻣﺮﺃﻓﻴﻚ ﺑﺎﻟـﺴـﻔــﺮ
ﻭﺍﻧﺎ ﺟﺎﻯﻰ ﻓﻲ ﺩﺭﺑﻲ ﺍﻟﻄﻮﻳﻞ
ﻻ ﺍﻧﻬﺪ ﺣﻴﻠﻲ ﻭﻻ ﻓــﺘــﺮ
ﻛﺎﻥ ﺯﺍﺩﻱ ﺍﺷﻮﺍﻗﻚ ﻳﻘﻴﻦ
ﻣﺎ ﺿﻞ ﻣﻦ ﻛــــﺪ ﻭﺻــﺒــﺮ
ﻛﻞ ﺍﻟﻤﺤﻄﺎﺕ ﺑﺎﻟﺤﺒﺎﺏ
ﻻﻓﺘﺎﺕ ﻣﻌﻠﻘﺔ ﻓﻲ ﺍﻟﺸﺠﺮ
ﻻﻗﺎﻧﻲ ﺍﺣﺴﺎﺳﻚ ﻭﺭﻳﻒ
ﻗﻴﻠﺖ ﺑﻴﻚ ﻭﺍﻟﺪﻧﻴﺎ ﺣــــﺮ
ﻭﺍﻧﺎ ﻓﻲ ﻣﺤﻄﺎﺗﻚ ﺑﺮﺍﻱ
ﻗﻄﺮ ﺍﻟﻤﺤﺒﻴﻦ ﻳﻮﻡ ﻋﺒﺮ
ﻧﺎﺩﻳﺖ ﺟﻤﻮﻉ ﺍﻟﺤﺎﺿﺮﻳﻦ
ﻧﺎﺩﻭﻧﻲ ﺑﻴﻚ ﻧﻔﺮ ﻧﻔﺮ
ﻭﻛﺄﻧﻲ ﻣﻜﺘﻮﺏ ﻓﻲ ﻏﻨﺎﻙ
ﻭﻛﺎﻧﻮ ﺍﺣﺴﺎﺳﻚ ﻭﺗﺮ
ﻳﺎﻣﺎﺭﻗﺔ ﻣﻨﻲ ﺗﻌﺎﻟﻲ ﺟﺎﻱ
ﺧﺸﻴﻨﻲ ﺑﻲ ﺩﺭﺏ ﺍﻟﺒﺼﺮ
ﺩﺳﻴﻨﻲ ﻓﻴﻚ ﺩﻣﻮﻉ ﺣﻨﻴﻦ
ﻭﻛﺘﻴﻦ ﻳﺰﺍﺯﻳﻜﻲ ﺍﻟﺴﻬﺮ
ﻳﺎﺳﺮ ﺣﻴﺎﺗﻲ ﺍﻧﺎ ﺍﻟﻴﺒﺎﺱ
ﻟﻮ ﺍﻧﺘﻲ ﺍﺣﺴﺎﺳﻚ ﻣﻄﺮ
ﻭﻳﻦ ﻣﺎﺗﻜﻮﻧﻲ ﺍﻟﺤﺐ ﻣﻌﺎﻙ ﻭﺍﻟﺸﻮﻕ
ﻣﻌﺎﻙ ﻭﺍﻟﻤﺘﻠﻲ ﻳﺒﻘﻮﻟﻚ ﺿﻬﺮ
ﺗﻨﻀﺎﺭﻱ ﻣﺎﻟﻚ ﻓﻲ ﺍﻟﻌﻴﻮﻥ
ﻭﻳﻦ ﺑﺎﻟﻌﻴﻮﻥ ﺯﻭﻝ ﺍﻧﺴﺘﺮ؟
ﺩﻩ ﺍﻧﺎ ﺑﺴﻤﻊ ﺍﺣﺴﺎﺳﻚ ﻃﺒﻮﻝ
ﻣﺸﺪﻭﺩﺓ ﻣﻦ ﺟﻠﺪ ﺍﻟﺰﻫﺮ
ﻭﻛﺎﻥ ﻧﻔﺴﻲ ﺍﻧﺎ ﻳﻮﻡ ﺍﺣﻜﻲ
ﻟﻴﻚ ﻋﻦ ﺭﺣﻠﺘﻲ ﻭﻧﺎﺭ ﺍﻟﺴﻔﺮ
ﻋﻦ ﺷﻮﻗﻲ ﻳﻮﻡ ﺍﻟﻨﺎﺱ ﺗﻨﻮﻡ
ﻭﺍﻧﺎ ﻭﺍﻧﺘﻲ ﻭﺍﻟﻠﻴﻞ ﻭﺍﻟﻘﻤﺮ
ﺍﺑﻜﻴﻜﻲ ﻻ ﺣﺪ ﺍﻟﺠﻔﺎﻑ
ﻭ ﺍﺭﻭﻳﻚ ﺑﺎﻟﺪﻣﻊ ﺍﻟﻬﻤﺮ
ﻓﻲ ﺍﻟﻼ ﻣﻜﺎﻥ ﻭﺍﻟﻼ ﺯﻣﺎﻥ
ﻓﻲ ﺳﺎﻋﺔ ﻣﻦ ﻋﻤﺮﻱ ﺍﻟﻌﺒﺮ
ﻳﺘﻜﻮﻥ ﺍﺣﺴﺎﺳﻚ ﻏﻤﺎﻡ
ﻳﻨﺰﻝ ﻋﻠﻲ ﻋﻄﺸﻲ ﺍﻟﻤﻄﺮ
ﻭﻛﺘﺒﺖ ﻟﻴﻚ ﺍﺑﻴﺎﺕ ﻗﺼﻴﺪ
ﻭﻧﺸﻴﺪ ﻭﻏﻨﻮﺍﺕ ﺍﻟﻤﻄﺮ
ﻭﻛﺘﺒﺖ ﻟﻴﻚ ﻗﺒﺎﻝ ﺍﺟﻴﻚ
ﻭﻗﺒﺎﻝ ﻳﺠﻤﻌﻨﺎ ﺍﻟﻘﺪﺭ
ﻭﻛﺘﺒﺖ ﻟﻴﻚ ﺧﺎﺗﻢ ﺍﻟﻤﻨﻲ
ﻭﻋﺸﻢ ﺍﻟﻤﺴﺎﻓﺮﻳﻦ ﻭﺍﻟﺴﻔﺮ
ﻭﻛﺘﺒﺖ ﻟﻴﻚ ﻻ ﺗﺰﻋﻠﻲ
ﻭﺷﻮﻕ ﻭﺍﻟﺤﺰﻥ ﻣﺎﻟﻴﻨﻲ ﺻﺮ
ﻭﻛﺘﺒﺖ ﻟﻴﻚ ﻭﻛﺘﺒﺖ ﻟﻴﻚ
ﻭﻛﺘﺒﺖ ﻟﻴﻚ ﻋﻨﺪﻙ ﺧﺒﺮ؟
ﺩﺍﺋﻤﺎ ﺍﻣﺎﻧﻴﻨﺎ ﺍﻟﺴﺮﺍﺏ
ﻭﺣﺒﺎﻟﻨﺎ ﺩﻳﻤﺔ ﺑﻼ ﺑﻘﺮ
ﻳﺎ ﺑﺖ ﻭﺣﺎﺓ ﺷﻮﻕ ﺍﻟﻌﻴﻮﻥ
ﺑﺎﻻﻧﻲ ﺩﻣﻌﺎﺗﻚ ﻣـــﻄﺮ
ﺍﺣﺰﻧﻲ ﺍﻧﻲ ﻧﻮﻳﺖ ﺍﺟﻴﻚ
ﻭﺩﻫﺪﻧﻲ ﻣﻦ ﺟﻴﺘﻚ ﻗﺪﺭ
ﻧﻮﻋﺪ ﻭﻻ ﺑﻨﻔﻲ ﺑﺎﻟﻮﻋﻮﺩ
ﻭﻧﺨﺘﺎﺭ ﻣﻦ ﺍﻻﺩﻧﻲ ﺍﻟﻘﻌﺮ
ﺗﺎﺭﻳﻨﻲ ﺍﺩﻣﻨﺖ ﺍﻟﻐﻴﺎﺏ
ﻭﺗﺎﺭﻳﻬﺎ ﺍﺷﻮﺍﻗﻚ ﺑﺤﺮ
ﻋﺎﺭﻓﺎﻧﻲ ﺑﺸﻮﻗﻚ ﺑﻤﻮﺕ
ﻣﺎﻟﻚ ﺑﺘﺪﻳﻨﻲ ﺍﻟﺴﻬﺮ
ﻳﺎ ﺯﻭﻟﺘﻲ ﻭﺍﺣﺸﺎﻧﻲ ﺍﻟﻌﻴﻮﻥ
ﻭ ﻭﺍﺣﺸﻨﻲ ﻧﻮﻡ ﻋﻴﻨﻲ ﺍﻟﻄﻔﺮ
ﻳﺎ ﺭﻳﺘﻮ ﻛــــﺎﻥ ﺑﻲ ﺍﻳﺪﻱ ﺍﻛﻮﻥ
ﻛﺖ ﺑﺒﻘﻲ ﻃﻴﺮﺓ ﻭﺍﺟﻴﻚ ﻓــــﺮ
ﺗﻠﻘﻴﻨﻲ ﻗﺪﺍﻣﻚ ﻳﻘﻴﻦ
ﻻ ﺟﺎﺑﻮ ﻟﻴﻚ ﻭﻻ ﺧﺒــــﺮ
ﻭﺍﺍﺍ ﺩﻫﺸﺔ ﺍﻟﺤﺰﻥ ﺍﻟﻐﻴﺎﺏ
ﺑﻲ ﺩﻗﺔ ﺍﻟﺒﺎﺏ ﺍﻟﻨــــﻘﺮ
ﻳﺎ ﺭﻭﺣﻲ ﻓﻲ ﺍﺧﺮ ﺍﻟﻜﻼﻡ
ﺻﺒﺮﻙ ﻋﻠﻲ ﺍﻟﺪﻧﻴﺎ ﺍﻧﺘﺼﺮ
ﻭﺍﻧﺎ ﻓﻲ ﺍﻟﺒﺪﺍﻳﺔ ﻛﺘﺒﺖ ﻟﻴﻚ
ﻣﺎ ﺿﻞ ﻣﻦ ﻛــــﺪ ﻭﺻــﺒــﺮ
ﻗﻠﺒﻚ ﻗﻔﻠﺘﻲ ﻋﻠﻲ ﺣﺒﻴﺐ
ﻣﺎ ﺧﺖ ﻗﻠﺒﻮ ﻋﻠﻲ ﺣﺠﺮ
ﺭﻏﻢ ﺍﻟﻐﻴﺎﺑﺎﺕ ﺍﻟﺘﻄﻮﻝ
ﺑﻴﻨﺎﺕ ﺗﻔﺎﺻﻴﻠﻚ ﺣـﻀـــﺮ
ﻛﺎﻥ ﺿﻠﻚ ﺍﻟﻤﺎ ﻣﻞ ﻳــــﻮﻡ
ﺍﻭ ﻣﺴﺎﺳﻘﺘﻚ ﻓــﺘــﺮ
ﻳﺒﺮﺍﻛﻲ ﻓﻲ ﺍﻟﻠﻴﻞ ﻭﺍﻟﻨــﻬــﺎﺭ
ﺣﺎﻭﻳﻜﻲ ﺑﺎﻗﻴﻠﻚ ﻏــﻔــﺮ
ﺍﻩ ﻳــــﺎ ﺣﺒﻴﺒﺘﻲ ﻣﻦ ﺍﻟﺤــــﺮﻭﻑ
ﻣﻦ ﻗﺎﻓﻴﺘﻲ ﻭﺯﻱ ﺩﻩ ﺍﻟﻔــﺘــﺮ
ﺧﺰﻟﺘﻨﻲ ﻳــــﻮﻡ ﺩﺍﻳﺮ ﺍﺑــــﻮﺡ ﻳﻮﻡ
ﻣﺮﻗﺖ ﺍﺣﺴــــﺎﺳﻲ ﺍﻧــﻜـﺴـﺮ
ﻟﻜﻨﻲ ﺑﺮﺿﻲ ﻛﺘﺒﺖ ﻟﻴﻚ
ﻭﺣﻔﺮﺕ ﻓﻲ ﺍﻟﻤﺮﻓﺄ ﺍﻻﺛــــﺮ