مافي كلام يعبر الروح عشانك

يا امي بهديك السلام.. الفين تحية ومليون سلام..

اصلي مفتون بي عيونك اصلي مسكون بالهيام..

نبع الحنان انتي المنى حضنك امان ليك الغنا..

وانتي البشارة في كل عيد بدور رضاك واسكن هناك جوة الجنان..

وانا بيك اكون سعيد ينضر وجيه.. يخضر عمر..

ما اكون شقي..

مدّيتي ايدك ساعدتي لي..

زحزحت يمة هموم كتير صبرتي لي ..

وربي يحفظ ليك دوام وليك يا امي السلام ..

جانا الفرح والهم خلاص ودّع رحل..

اتغسلت دموع بي موية من مطرا هطل..

يا امي لو شفتي الحصل..

مكتوب علي منذ الازل..

صحبة الناس الكرام ..ديل زي حمام..

شايلين سلام عزة وكرامة وانسجام..

وليك يا امي السلام ..

وربي يحفظ لي عيونك انتي لعيوني ضي..

ويكتّر لي عميرك وانا بي ايدي اشيلك والاحرام لينا زي..

نبيت بي مٍنى واشواقنا لي عرفة وفي الروضة الشريفة يرتوي القلب الشغوف

وليكي يا امي السلام

يا امي ما انتي الامل ..

انتي الحياة محفوظة صورتك في المقل..

قلبك معاي ايدي في ايدك للفوز نصل..

نتحدّى الزمن بدل النجوم مقامنا ابعد من زحل ..

ونبلغ الامل المرام وليك يا امي السلام..

يا امي بايعت الصحاب ..

دايرين نزيل كل الصعاب..

دعوة للشيب والشباب..

نزرع الارض اليباب..

يفيض قمح تتوفر سياب..

تبحر سفن تمخر عباب..

نهزم عدو تتوارى الذئاب ..

وكتين نقوم حي يا قيوم ..

وكتين نصوم نفطر عليك..

نودع هموم نتسامى بيك

.. نتلاقى فيك نتشابى ليك..

نتلاشى نحنا بين ايديك

.. كل العيون تنظر اليك ..

كل القلوب هيمانة بيك ..

كل النفوساتكلت على الله وعليك

..حاضنة الأنين ..دارت رضاك ..شافت صفاك..

زانك بهاك..

ويعم ضياك طول السنين..

وليك يا امي السلام

مشكوووره الاخت بت البلد علي البوست الرائع و ﺩﻋﻮﻧﺎ ﻧﺠﻌﻞ ﻫﺬﺍ ﺍﻟﺒﻮﺳﺖ ﺧﺎﺹ
ﺑﺎﻟﺘﻌﺒﻴﺮ ﻋﻦ ﺍﻻﻡ ﺍﻟﺤﻨﻮﻧﻪ
ﻭﻫﻨﺎﻙ ﻣﻦ ﻓﻘﺪ ﺍﻣﻪ ﻭﻫﻨﺎﻙ ﻣﻦ
ﻳﺘﻮﺳﺪ ﺣﻀﻦ ﺍﻣﻪ ﺣﺘﻰ ﺍﻻﻥ
ﻗــــــــــــــﺎﻟﻮ
ﻫــــــــﻮﻻﺀ.............
ﺍﻷﻡ ﻣـﺪﺭﺳــﺔ ﺇﺫﺍ ﺃﻋـﺪﺩﺗـﻬـﺎ
ﺃﻋـﺪﺩﺕ ﺷﻌﺒـﺎ ﻃﻴـﺐ ﺍﻷﻋـﺮﺍﻕ
ﺍﻷﻡ ﺭﻭﺽ ﺇﻥ ﺗـﻌﻬـﺪﻩ ﺍﻟﺤـﻴــﺎ
ﺑـﺎﻟـﺮﻱ ﺃﻭﺭﻕ ﺃﻳـﻤـﺎ ﺇﻳــﺮﺍﻕ
ﺍﻷﻡ ﺃﺳـﺘـﺎﺫ ﺍﻷﺳـﺎﺗـﺬﺓ ﺍﻷﻟـﻰ
ﺷﻐﻠـﺖ ﻣـﺂﺛﺮﻫﻢ ﻣـﺪﻯ ﺍﻵﻓـﺎﻕ
ﻛﻤﺎ ﻗﺎﻝ ﺣﺎﻓﻆ ﺍﺑﺮﺍﻫﻴﻢ
ﺣﻴﻨﻤﺎ ﺃﻧﺤﻨﻲ ﻷﻗﺒﻞ ﻳﺪﻳﻚ ، ﻭﺃﺳﻜﺐ
ﺩﻣﻮﻉ ﺿﻌﻔﻲ
ﻓﻮﻕ ﺻﺪﺭﻙ ، ﻭ ﺍﺳﺘﺠﺪﻱ ﻧﻈﺮﺍﺕ
ﺍﻟﺮﺿﺎ
ﻣﻦ ﻋﻴﻨﻴﻚ . .
ﺣﻴﻨﻬﺎ ﻓﻘﻂ ﻣﻦ ﺍﺭﻭﻉ ﻣﺎﻗﻴﻞ ﻋﻦ ﺍﻻﻡ
ﻭﺍﺧـﻀـﻊ ﻷﻣــﻚ ﻭﺃﺭﺿﻬﺎ
ﻓﻌﻘـﻮﻗـﻬـﺎ ﺇﺣـﺪﻯ ﺍﻟﻜﺒــﺮ
) ﺍﻹﻣﺎﻡ ﺍﻟﺸﺎﻓﻌﻲ (

آولآ : تحيه خاصه وخالصة النوايا للاخت بت البلد علي هذا البوست الراقي والملفت للانظار وهادف جدآ جدآ جدآ
‏
ثانيآ : اشيد بالعضو والمدير الفعال جدآ جدآ جدآ مجاهد له ودي واحترامي

بت البلد وتقدم يوم بعد يوم وتألق مستمر
ربنا يحفظك لينا ياست الذوق وصاحبه الاطلاله الفريدة

يااااااااسلااااااام عليك يا بت البلد بالجد روعه ربنا يخليك ويحفظك لمنتدانا

امي ثم امي لحدي آخر يوم في عمري
.
.
.
.
.
. بالجد روعه يابت البلد ربنا يخليك لينا ويجعل لك في كل خطوه سلامه يارب
‏.
‏.
وبصراااحه كدا تستحقين التميز