حبيبي انا افتقدك

يا حبيبي انا افتقدتك يا حبيبي انا افتقدتك لما فاض الشوق عليا انت عارف روحي غيرك لا بتموت لا تبقي حية
يا حليلي انا كنت قايلك زي زمان مهتمي بي في الحزن تحزن معايا ويوم اغيب تسال عليا
باختصار انا كنت دايرك تبقي اقرب مني ليا انت تاريك بي مشاعرك مستقر فوق الثريا

الصباح الفي عيونك باعني لي بحر الاسية سابني بين شطآنو هايم جاري لا عند العشية

لاني قادر اقول كفاية لا ني راضي اكون ضحية المصيبة انا كان بكيت ولا جنيت هيه هيه‎ ‎

كل مصيبتي هويت عيونك في زمن ظالم شوية يكره الحب والتصافي ويعشق الجفاء والرزية

الطيور وكتين تغني الزهور تصبح ندية الا عاد كيفن تغني وعينها في عين الحدية ‎ ‎

إفتقدتك وانت عارف زيي يعشق بالسجية مستعد ما عندو مانع يهدي الروح هدية

لا بيهادن لا بيساوم لا بيبيع ابدا قضية لو تمر الدنيا فوقو ارتكب مليون جنية

افتقدتك يا مناي يا سعد روحي الشقية لما فاضت بي همومي والامور لاجت عليا افتقدتك يا نصيري والعزول عاصب عيني افتقدتك يا صباحي والظلام ضامي العشية إفتقدتك الف مرة لما شمتوا اصحابي فيا

شفت كيف انا إفتقدتك لحظة الالم العتية انت ماك جايب خبيري وما مفكر تبقي جية

حتي يوم لاقيت صحابك منك اتوقع تحية الا وا خيبة رجايا ويا حلال الحسرة بيا

الاخ والحبيب عمر لك التحيه حقيقه ابدعت وانت تنقش في سطور احرف راقيه وجزابه

ابدااااااااع دائم وفي انتظار القادم

والله نحن الافتقدنا طلتك يا رائع وين نزل محياك

رووووووووووعة يا حبيبنا تنقاسي

خطيـــــــــر لكن يا تنقــــــآسي